| Herodotus, The Histories (XML Header) [genre: prose] [word count] [lemma count] [Hdt.]. | ||
| <<Hdt. 5.92β.3 | Hdt. 5.92γ.4 (English) | >>Hdt. 5.92ε.2 |
5.92γ.2 ἀπικόμενοι δὲ οὗτοι ἐς τὴν Πέτρην καὶ παρελθόντες ἐς τὴν αὐλὴν τὴν Ἠετίωνος αἴτεον τὸ παιδίον · ἡ δὲ Λάβδα εἰδυῖά τε οὐδὲν τῶν εἵνεκα ἐκεῖνοι ἀπικοίατο , καὶ δοκέουσα σφέας φιλοφροσύνης τοῦ πατρὸς εἵνεκα αἰτέειν , φέρουσα ἐνεχείρισε αὐτῶν ἑνί . τοῖσι δὲ ἄρα ἐβεβούλευτο κατʼ ὁδὸν τὸν πρῶτον αὐτῶν λαβόντα τὸ παιδίον προσουδίσαι .
5.92γ.3 ἐπεὶ ὦν ἔδωκε φέρουσα ἡ Λάβδα , τὸν λαβόντα τῶν ἀνδρῶν θείῃ τύχῃ προσεγέλασε τὸ παιδίον , καὶ τὸν φρασθέντα τοῦτο οἶκτός τις ἴσχει ἀποκτεῖναι , κατοικτείρας δὲ παραδιδοῖ τῷ δευτέρῳ , ὁ δὲ τῷ τρίτῳ . οὕτω δὴ διεξῆλθε διὰ πάντων τῶν δέκα παραδιδόμενον , οὐδενὸς βουλομένου διεργάσασθαι .
5.92γ.4 ἀποδόντες ὦν ὀπίσω τῇ τεκούσῃ τὸ παιδίον καὶ ἐξελθόντες ἔξω , ἑστεῶτες ἐπὶ τῶν θυρέων ἀλλήλων ἅπτοντο καταιτιώμενοι , καὶ μάλιστα τοῦ πρώτου λαβόντος , ὅτι οὐκ ἐποίησε κατὰ τὰ δεδογμένα , ἐς ὃ δή σφι χρόνου ἐγγινομένου ἔδοξε αὖτις παρελθόντας πάντας τοῦ φόνου μετίσχειν .
ch. 92δ
5.92δ.1
| Herodotus, The Histories (XML Header) [genre: prose] [word count] [lemma count] [Hdt.]. | ||
| <<Hdt. 5.92β.3 | Hdt. 5.92γ.4 (English) | >>Hdt. 5.92ε.2 |
